Home / खेल / विश्वकप छनोट क्रिकेटमा नेपाल जिम्बाब्वेसँग पराजित

विश्वकप छनोट क्रिकेटमा नेपाल जिम्बाब्वेसँग पराजित

काठमाडौँ । आइसिसी विश्वकप छनोटअन्तर्गत आइतबार भएको पहिलो खेलमा नेपाल जिम्बाब्वेसँग ११६ रनले रनले पराजित भएको छ । ३८१ रनको विशाल लक्ष्य पछ्याउने क्रममा नेपालले निर्धारित ५० ओभरमा आठ विकेटको क्षतिमा २६४ रन मात्र जोड्न सक्यो । नेपालका लागि ज्ञानेन्द्र मल्लले ३२, दिलिप नाथले दुई, कप्तान पारस खड्काले ४०, दिपेन्द्रसिंह ऐरीले २३, शरद भेषवाकरले ५२, अरिफ शेखले ५०, रोहित कुमारले ३०, सोमपाल कामीले ११, वसन्त रेग्मीले २ र सन्दिप लामिछानेले छ रन बनाएका थिए ।
यसअघि जिम्बाब्वेस्थित क्वीन्स स्पोर्टस क्लबमा टस जितेर पहिले व्याटिङ रोजेको आयोजक जिम्बाब्वेले निर्धारित ५० ओभरमा ६ विकेट गुमाएर ३८० रनको योगफल बनाएको थियो । जिम्बाब्वेका लागि शिकन्दर राजा र ब्रेन्डन टेलरले शतक प्रहार गरे । शिकन्दरले सर्वाधिक १२३ रन जोडे भने ब्रेन्डन १०० रन जोड्दै आउट भए । त्यसैगरी, जिम्बाब्वेका सोलोमन मिरेले ५२ रन बनाए । त्यसैगरी, सेफास झुवाओले ४१, क्रेग एर्भिनले ३४ तथा ह्यामिल्टन मासाकाड्जाले १७ रन जोडे । नेपालका लागि वसन्त रेग्मी र सोमपाल कामीले दुई–दुई विकेट लिए भने ललितनारायण राजवंशी र सन्दिप लामिछानेले एक–एक विकेट लिए । हारसँगै नेपालको विश्वकपमा छनोट हुने सम्भावना झनै क्षीण हुँदै गएको छ । नेपालले अर्को खेल विहीबार स्कटल्याण्डसँग खेल्नेछ ।

प्रतिकृया दिनुहोस

Check Also

एशिया कप त्रिकेट खेल्ने नेपालको आशा कायमै, सिंगापुरमाथि जित

काठमाडौँ । एशिया कप क्रिकेटमा छनोट हुने नेपालको आशा अझै जिवितै छ । छनोट अन्तर्गत …