Home / देश / यस्तो छ मापदण्ड, शौचालय नबनाए सुविधा नपाउने

यस्तो छ मापदण्ड, शौचालय नबनाए सुविधा नपाउने

कपिलवस्तु । कपिलवस्तुको शिवराज नगरपालिका भित्रका बासिन्दाले घरमा शौचालय नबनाए नगरपालिकाबाट पाउने सेवा सुविधाबाट वञ्चित हुने भएका छन् । आगामी कात्तिक १ गतेदेखि नगरपालिका र वडा कार्यालयबाट त्यस्ता घरधनीलाई कुनै पनि सेवा सुविधा नदिने बताइएको छ । उक्त नगरपालिकालाई आगामी मंसिर २५ गतेभित्र खुल्ला दिसा मुक्त क्षेत्र बनाउने उद्देश्यले नगरपालिकाका जनप्रतिनिधिलाई नगरस्तरीय खुल्ला दिसा मुक्त तथा पूर्ण सरसफाइसम्बन्धी अभिमुखीकरण कार्यक्रममा यस्तो निर्देशन दिइएको नगर प्रमुख नेत्रराज अधिकारीले जानकारी दिए । नगरपालिकाभित्र रहेका ११ वटामध्ये तीन वटा वडा पहिले नै खुल्ला दिसा मुक्त घोषणा भइसकेको हुँदा ती वडामा अनुगमन गरिने उनले बताए । सो नगरपालिकाले मंसिर १ गते वडा नं ५, मंसिर ३ गते वडा नं ३, मंसिर ४ गते वडा नं ४ खुल्ला दिसा मुक्त क्षेत्र घोषणा गर्ने तयारी गरेको छ । त्यस्तै मंसिर ५ गते वडा नं ६, मंसिर ६ गते वडा नं ७, मंसिर ७ गते वडा नं १, मंसिर ८ गते वडा नं ८ र मंसिर ९ गते वडा नं २ पछि मंसिर २५ गते नगरलाई नै दिसा मुक्त घोषणा गर्ने कार्यक्रम छ ।

 

प्रतिकृया दिनुहोस

Check Also

दुर्घटनामा मोटरसाइकल चालकको मृत्यु

विराटनगर । सुनसरीको इनरुवा नगरपालिकामा शुक्रबार राति एक मोटरसाइकल दुर्घटना हुँदा मोटरसाइकल चालक सुनसरी हरिनगरा–३ …