सल्यानबाट दाङ तुल्सीपु्र आउँदै गरेको बस दुर्घटना: १२ को मृत्यु,२३ घाइते

बर्दिया । आज बिहान सल्यानको दुनधारा,पोखरा,खलङ्रगा,हुँदै दाङ तुल्सिपुर गन्तव्य बनाएर आउँदै गरेको यात्रु बाहक बस दुर्घटनामा परेको छ । उक्त बसमा सवार ३५ जना यात्रुहरु मध्ये १२ जनाको मृत्यु र १३ जना घाइते अवस्थामा रहेको कुरा सल्यानका जिल्ला प्रहरी प्रमुख डिएसपी गोविन्द थापाले जनपथ खबरलाई जानकारी दिएका हुन ।

सल्यानबाट तुल्सिपुर आउँदै गरेको ना २ ख २५५२ नम्बरको बस विहान १०: ४५ मा कपुरकोटको खार खोला नजिकै दुर्घटना भइ सडकबाट २०० मिटर तल खसेको छ । डिएसपी थापाले आफु घटना स्थलमै रहेको, घाइतेहरुको उद्दार र उपचारको लागि अस्पताल पुर्याइ उपचार प्रक्रिया थालेको बताएका छन । साथै गम्भीर घाइते भएकाहरुलाई थप उपचारको लागि नेपालगन्ज ल्याइएको छ ।

बस दुर्घटनाको सन्र्धभमा जनपथ खबरको जिज्ञासामा थापाले रोड कन्डिसन र ओभर सिट नै मुख्य कारण बनेको कुरा जानकारी दिए । राज्यको गम्भिर लापरबाहीकै कारण मानिसहरु दुर्घटनामा परी ज्यान गुमाउनु परेको कुरा यस घटनाले पुष्टी गर्दछ ।