सुर्खेतमा पतिद्वारा पत्नीको घाँटी छिनालेर हत्या

सुर्खेत । सुर्खेत जिल्ला पञ्चपुरी नगरपालिका वडा नम्बर ३ तोक्मा स्थित आफ्नै निवासमा पतिद्वारा पत्नीको घाँटी छिनालेर हत्या भएको छ ।

आज दिउँसो ३ बजेको समयमा ३८ बर्षका श्रीमान अम्मर बहादुर आलेमगरले अन्दाजी बर्ष ३० कि मिना आले मगरलाई धारिलो हतियार (हँसिया ) ले घाँटी काटेर हत्या गरेका हुन ।

निज अम्मर बहादुर आले मगरलाई सोही ठाउँको पलैटे स्वास्थ्य चौकी पछाडिबाट मानिसको टाउको सहित प्रहरीले नियन्त्रणमा लिएको कुरा जिल्ला प्रहरी कार्यालय सुर्खेतका प्रवक्ता डिएसपी सुरज कार्कीले जनपथ खबरसंग टेलिफोन मार्फत बताउनुभएको छ । घटनाको थप अनुसन्धान भइरहेको छ ।