हात्ती आतंक: ठाकुरबाबामा घर भत्कायो, स्थानीयलाई सास्ती
बर्दिया । बर्दिया जिल्लाको ठाकुरबाब नगरपालिका वडा नं. १ डुम्रेनी गाउँमा शनिबार राति झण्डै ९ बजेको समयमा हात्तीले घर तोडफोड र अन्नवालीमा क्षती गरेको छ । उक्त हात्तीले ४ वटा घर भत्काएको छ । स्थानीयहरु लामो प्रयास पछि मात्र वस्तीबाट हात्ती धपाउन सफल भएका छन । साथै मध्यवर्ती क्षेत्रका विभिन्न ठाउँमा जंगली हात्तीको आतङ्कले स्थानीयवासी त्रसीत भएका छन । यो समस्या तत्कालीन नभई बर्षौ देखीको हो ।
यसरी जंगली हात्तीको समुह गाउँमा पसेर घर तोडफोड गर्न थालेपछी स्थानीय वासी हात्ती आताङ्कले त्रसीत भएका हुन । पछिल्लो समय आज डुम्रेनी गाउँमा हात्तीले घरमा आक्रमण गरी घर तोडफोड र अन्नवालीको क्षती गरेको छ ।
विगत लामो समय देखी हात्ती गाउँ पसेर दैनिक जस्तो घर भत्काएर गरिव दुखीले दिनभर ज्यालादारी गरेर घरमा भण्डारण गरेको अन्नपात खाने, नष्ट गर्ने, भाँडाकुडा किल्चेर क्षती गर्ने गरेको स्थानियले वताएका छन ।
हात्तीले एक्कासी गाउँमा पसेर घरमा आक्रमण गर्दा भागाभाग गरेर ज्यान जोगाउनु पर्ने आखिर कहिले सम्म ? हात्ती लगायतका जंगली जनावरबाट बच्नको निम्ति लामो समयदेखि राज्यको करोडौं रुपैयाँ खर्च गरेर तारबार गरे पनि उक्त तारमा सम्बन्धित निकायले करेन्ट नछोडेकोले यसरी आफुहरु सास्ती खेपिरहेको स्थानीयको गुनासो छ।
साथै उक्त क्षेत्रका मानिसहरु हात्तीले कतिवेला किल्चेर मार्ने हो भन्ने त्रासले रातभर अनिदो वस्नु परेको उनीहरुको दुखेसो छ । हात्ती प्रभावित क्षेत्रका वासिन्दाको ज्यान जोखिममा पर्दा समेत स्थानीय स्तरबाट सामान्य राहत वाहेककाे नियन्त्रणको दिगो सामाधानको पहल सम्म नगरेको स्थानीय वासीले बताएका छन ।
आजभोलि दैनिक जसो हात्ती गाउँमा प्रवेश गरी घर तोडफोड, धानको भकारी उठाएर लाने, अन्नवाली खाने, किसानले लगाएको तरकारी र वालीनाली नष्ट गर्ने गरेको त्यहाँका स्थानीयले जनपथ खबरसंग वताए । (फाईल फोटो )